Денес во Скопје официјално беше прогласена за отворена манифестацијата Кавадарци град на културата. Преку скромна културно уметничка програма организаторот, градоначалникот и советот на Кавадарци ја поканија културната публика од Македонија да ужива во културните настани кои до крајот на годината ќе се случуваат во градот центар на културата за 2010. Од колкаво значење за Кавадарци е оваа манифестација и дали во градот е присутна културата пред новинарите говореше градоначалникот Александар Панов.

За дел од настаните кои во рамките на манифестацијата ќе се случуваат до крајот на 2010 и за настаните со кои во петок на 9 ти манифестацијата официјално ќе биде отворена и во Кавадарци информираше директорот на домот на културата Владимир Темков.

На прес конференцијата денес присутните имаа и можност да дегустираат од најпознатите кавадаречки вина, жолтата ракија и вкусните специјалитети подготвени од вештите жени во Кавадарци. Презентиран беше и пропаганден материјал, а публиката уживаше и во скромна културно уметничка програма. Поканата остана отворена, Кавадарци вети дека во петок ќе се покаже како вистински домаќин,а манифестацијата град на културата ќе доживее спектакуларен почеток.

Милица Мелова