Значајни, извештаи, предлог одлуки и програми се на дневен ред на седницата на кавадаречкиот совет закажана за во понеделник од 12 часот . Советниците ќе ги разгледуваат: кварталниот извештај за извршување на општинскиот буџет за 2009 – четврт квартал, предлог програмата за организирање на празникот на лозарите Свети Трифун, програмата за изменување и дополнување на програмата за изработка на урбанистички планови во општинаКавадарци за 2010. На дневен ред е и авто такси превозот во општината, работењето на ЈП Комуналец во оваа година како и одредувањето на приоритетни проекти за аплицирање по програмата за локален економски развој за 2010. Советот со одлука треба да ја утврди висината на цените за собирање и транспортирање на комунален отпад, а ќе се формира и комисија која треба да изработи програма за работа на советот. А.Д