Минатата недела во Кавадарци во домот на културата Иван Мазов Климе се одржа традиционалниот сообраќаен квиз натпревар во организација на општинскиот совет за безбедност на сообраќајот на патиштата Кавадарци. Учество зедоа вкупно девет екипи составени од ученици од основните училишта од Кавадарци и подрачните основни училишта. Преку две полуфиналиња и едно финале општинскиот сообраќаен квиз ги доби трите најдобри екипи. За сите три следуваа вредни награди, а двете првопласирани односно прво и второ пласираната екипа добија зелено светло за учество во регионалниот сообраќаен квиз. Натпреварите по региони се случуваа викендот. Во Велес се натпреваруваа двете Кавадаречки екипи, екипата на О.У.Димката Ангелов Габерот и екипата на О.У.Тошо Велков Пепето. Прашањата од етапите низ кои минуваше натрпеварот за нашите екипи не претставуваа никаков проблем. Правилата на квиз натпреварот беа исти како во општинските натпревари. Во шесте групи со прашања од областа на сообраќајот екипата на О.У.Димката Ангелов Габерот Кавадарци, рамномерно се движеше во бодовната состојба со екипата на Велес. Неизвесноста траеше до самиот крај. Но се покажа дека кавадарчани се сообраќајно добро едуцирани па освоија поени исто колку и велешани и си обезбедија пласман за републичкиот натпревар кој ќе се одржува во Скопје, а на кој учество ќе земат сите првопласирани екипи од одржаните регионални квиз натпревари. Регионалното натпреварување на најдобрите викедот го следеа и менторите на учениците натпреварувачи, а нашите екипи ја имаа и подршката од претседателот и секретарот на општинскиот совет за безбедност. Она што сега во период од недела дена им преостанува на учениците од О.У.ДАГ Кавадарци е повторно под менторство на својот наставник по техничко образование добро да се подготват за Републичкиот натпревар и достоинствено да се борат повторно за врвот.